Manylion Cyswllt

Archifau Prifysgol Aberystwyth
Llyfrgell Thomas Parry
Llanbadarn Fawr
Aberystwyth
Ceredigion
SY23 3AS
Ffôn: 01970 628593 / 01970 622415
Ffacs: 01970 621868
E-bost: archives@aber.ac.uk
Gwefan: http://www.inf.aber.ac.uk/academicliaison/archives/
 

Ble ydym ni?

Cedwir casgliadau archifol yn nhri o safleoedd y Brifysgol: mae'r Hen Goleg yn gartref i'r Archif Sefydliadol, ac mae Llyfrgell Thomas Parry ar gampws Llanbadarn, a Llyfrgell Hugh Owen ar brif gampws Penglais, yn gartref i'r holl gasgliadau eraill.

Parcio
Mae meysydd parcio i ymwelwyr ar gael ar gampws Llanbadarn a champws Penglais. Mae nifer cyfyngedig o lefydd parcio ar gael ar y stryd ac mewn meysydd parcio talu-ac-arddangos yn y dref, yn agos at yr Hen Goleg.

Ar y Bws/Trên
Mae yna wasanaeth trên rheolaidd o Euston, Llundain, sy'n daith o 5 awr. Mae'r prif wasanaethau rhyng-ddinesig yn cynnig cysylltiadau at Aberystwyth o Wolverhampton neu Birmingham New Street. Daw teithiau bws rhyng-ddinesig i'w terfyn ger yr orsaf drenau. Mae gwasanaeth fysus lleol yn rhedeg yn aml at y ddau gampws o'r orsaf - chwiliwch am Fws y Waun. Gellir cerdded o'r orsaf i'r Hen Goleg o fewn rhyw 5-10 munud.

Dod o hyd i ni ar fap Google

Cynnwys yr Archif

Mae gan Brifysgol Aberystwyth ystod eang ac amrywiol o ddeunydd archifol. Casglwyd y rhan fwyaf ohono gan y Brifysgol er mwyn cefnogi ei hymchwil a'i haddysg, neu fe'i cafwyd trwy roddion i'r Brifysgol. Mae archif fawr o gofnodion a grëwyd gan y Brifysgol hefyd yn bodoli, gan gynnwys deunydd cynnar sy'n ymwneud â sefydlu'r Brifysgol ym 1872.
 

Oriau agor

Yn ystod y tymor:                         
Dydd Llun - Dydd Gwener 9.15am - 5pm                                  
Yn ystod y gwyliau:                    
Dydd Llun - Dydd Gwener 9.15am - 4.45pm                                     

(Ar gau am ginio rhwng 1pm - 2pm)
 

Hygyrchedd

Mae yna lefydd parcio dynodedig ar gampws Penglais ac ar gampws Llanbadarn. Mae'r ddwy lyfrgell yn hollol hygyrch i gadeiriau olwyn. Gellir benthyg chwyddwydrau o'r desgiau ymholiadau. Mae yna dai bach i bobl anabl yn y ddwy lyfrgell. Yn anffodus, nid yw'n bosibl gosod mynediad i bobl anabl ar safle'r Hen Goleg.
 

Cyfleusterau                                        

Bwyd: Mae yna sawl caffi a bwyty ar gampws Penglais sy'n gweini prydiau oer a phrydiau poeth, byrbrydau a diodydd. Mae gan gampws Llanbadarn siop goffi sy'n gwerthu lluniaeth ysgafn yn ystod y tymor yn unig. Mae'r Hen Goleg o fewn cyrraedd agos i'r ystod eang o gaffis, bwytai a siopau sydd yn y dref.
Tai Bach: Mae yna dai bach ym mhob un o'r tri adeilad.
Siop: Mae prif gampws Penglais yn gartref i siop lyfrau'r Brifysgol.
 

Apwyntiadau

Mae'n hanfodol bwcio lle o flaen llaw a dylid archebu unrhyw ddeunyddiau archifol o flaen llaw, pan fydd yn bosibl. Awgrymir, fel arfer, y dylid gwneud apwyntiad wythnos o flaen llaw er mwyn sicrhau y gellir ateb ceisiadau ac er mwyn i ni gadarnhau pa safle y bydd angen i chi ymweld ag ef.
 

Tocynnau Darllen

Rhaid cael prawf adnabod er mwyn defnyddio'r archifau. Dylai staff a myfyrwyr y Brifysgol ddod â'u cerdyn Llyfrgell Gwasanaethau Gwybodaeth dilys gyda nhw a dylai darllenwyr o'r tu allan ddod â phrawf adnabod sy'n dangos eu llun a'u cyfeiriad (e.e. trwydded yrru). Bydd gofyn i bob darllennydd ddarllen y Rheolau i Ddarllenwyr ac arwyddo Datganiad Darllenwyr ar bob ymweliad.
 

Cypyrddau clo

Nid oes gan y gwasanaeth archifau gypyrddau clo.
 

Defnyddio camerâu a chopïo

Gall staff ddarparu llungopïau yn unol â chanllawiau hawlfraint ac ar yr amod na fydd hyn yn niweidio'r ddogfen. Gellir defnyddio camerâu i dynnu lluniau o ddogfennau gan ddilyn yr un canllawiau. Rhaid i ddarllenwyr lenwi ffurflen datganiad hawlfraint cyn gwneud unrhyw gopïau. Ni chaniateir defnyddio sganwyr llaw. Mae'r Brifysgol hefyd yn cynnig gwasanaeth sganio a llungopïo o safon uchel. Codir tâl am hyn.
 

Defnyddio gliniaduron

Caniateir defnyddio gliniaduron ar yr amod na fyddant yn tarfu ar ddarllenwyr eraill.
 

Gwasanaeth Ymchwil

Nid yw'r archif yn cynnig gwasanaeth ymchwil. Ni all y Brifysgol ymgymryd ag unrhyw waith ymchwil dwys sy'n ymwneud â'r archifau, ond maent yn hapus i gynorthwyo darllenwyr er mwyn iddynt fedru defnyddio'r casgliadau'n effeithiol.
 

Plant a phobl ifanc

Gellir rhoi caniatâd i bobl ifanc o dan 18 mlwydd oed ddefnyddio casgliadau'r archif fel y gwêl staff yr archif orau.