Manylion Cyswllt

Gwasanaeth Archifau Gorllewin Morgannwg

Sefydliad Mecanyddion Castell-nedd
4 Church Place
Castell-nedd
SA11 3LL
Ffôn: 01639 620139
Ebost: westglam.archives@swansea.gov.uk
Gwefan: www.swansea.gov.uk/westglamorganarchives/
 

Ble ydym ni?

Mae Sefydliad Mecanyddion Castell-nedd wedi ei leoli yn Church Place, yng nghanol y dref, yn agos at Eglwys Sant Thomas.

Parcio
Nid oes llefydd parcio yn Church Place ei hun, ond mae yna faes parcio aml-lawr yn Heol Fairfield, tua 10 munud o daith cerdded i ffwrdd.

Ar y Bws/Trên
Mae'r orsaf drenau a'r orsaf fysus tua 10 munud o daith cerdded i ffwrdd. Mae yna safleoedd tacsi ger y ddau os nad ydych am gerdded at Sefydliad y Mecanyddion. 

Dod o hyd i ni ar fap Google

 

Cynnwys yr Archif

Mae'r Archifdy'n dal copïau o ffynonellau ar ficroffilm a microfiche, mapiau ac eitemau print sydd o ddiddordeb lleol ac sy'n ymwneud â Chastell-nedd a'r ardal, yn ogystal â chasgliadau archifau Cymdeithas Hynafiaethwyr Castell-nedd. Mae'r rhain yn cynnwys casgliadau ystadau lleol a chofnodion Bwrdeistref Castell-nedd yn ogystal â phapurau ymchwil aelodau o Gymdeithas Hynafiaethwyr Castell-nedd.
 

Oriau Agor

Dydd Llun - Dydd Iau 9.30 - 5pm
(ar gau am ginio rhwng 12.30 - 1.30)
 

Hygyrchedd

Nid oes mynediad i gadeiriau olwyn yn Archifau Cymdeithas Hynafiaethwyr Castell-nedd, ond gellir trefnu darpariaeth arall yng Nghanolfan Ddinesig Castell-nedd trwy wneud apwyntiad.
 

Cyfleusterau

Bwyd: Mae yna nifer o gaffis a bwytai yng nghanol y dref, yn agos i Sefydliad y Mecanyddion.
Tai bach: Mae yna dŷ bach yn Sefydliad Mecanyddion Castell-nedd.
Siop: Mae yna ystod o gyhoeddiadau ar werth, gan gynnwys llyfrau ar hanes lleol a hanes teulu, cardiau cyfarch a chardiau Nadolig, a mapiau ac engrafiadau.
 

Apwyntiadau

Nid oes angen gwneud apwyntiad cyn ymweld â'r Archifdy er mwyn edrych ar ddogfennau. Fodd bynnag, fe'ch cynghorir i gysylltu â ni o flaen llaw os ydych yn bwriadu defnyddio microfform neu gyfrifiaduron.
 

Tocynnau Darllen

Rhaid cael Tocyn Darllen er mwyn cael mynediad at ddeunydd gwreiddiol. Bydd angen i chi ddod â phrawf adnabod sy'n cynnwys eich cyfeiriad a'ch llofnod (e.e. trwydded yrru) os nad oes gennych docyn. Rhaid i ddarllenwyr lofnodi cofrestr yr ystafell chwilio, gan roi eu henw, eu cyfeiriad a phwnc eu hymchwil. Mae llofnodi'r gofrestr gyfwerth â chytuno i ddilyn Rheolau Archifdy Gorllewin Morgannwg.
 

Cypyrddau clo

Mae cypyrddau clo ar gael wrth y dderbynfa. Nid oes angen arian.
 

Defnyddio camerâu a chopïo

Gall staff ddarparu llungopïau, yn unol â chanllawiau hawlfraint ac ar yr amod na fydd hyn yn niweidio'r ddogfen. Codir tâl. Caniateir defnyddio camerâu i dynnu lluniau o ddogfennau yn unol â'r un canllawiau.
 

Defnyddio gliniaduron

Caniateir defnyddio gliniaduron; mae yna nifer o fyrddau sydd â socedi pŵer.
 

Gwasanaeth Ymchwil

Mae gwasanaeth ymchwil ar gael i'r rheiny nad sy'n medru ymweld â'r Archifdy. Codir tâl o £25 yr awr (£12.50 am chwiliadau byr o hanner awr). Dylid gwneud ceisiadau am waith ymchwil ar y ffurflen archebu swyddogol, gan gynnwys siec neu archeb bost yn daladwy i Gyngor Dinas a Sir Abertawe.
 

Plant a phobl ifanc

Nid oes terfyn oedran isaf ar ddefnyddwyr y cyfleusterau hyn.